Angela era na vera artista
e a so scumparsa tantu l’animu rattrista
era na cifalutana ‘ntellettuali,
teatru e poesia eranu ‘so talenti naturali.
Sapeva scavari nill’animu umanu
e cu curaggiu luttava p’arrivari luntanu.
Ni lassa oggi n’eredità priziusa
di donna tantu ma tantu valurusa.
Si prisintava sempri dilicata
detti lustru a sta città e nun va scurdata.
Di particulari genialità era ricca a so menti
e chiddu ca fici e scrissi unni lassa ‘ndifferenti.